Media serbe “Kurir”, shkruan se liqeni dhe Hidrocentrali i Ujmanit (Gazivodës) afër Zubin Potokut në veri të Kosovës, që nga mesnata, janë marrë nën kontroll të plotë të forcave të KFOR-it.
Ushtarët e KFOR-it janë vendosur në fillim të digës së Liqenit të Ujmanit, kurse automjet kanë bllokuar të gjitha rrugët që çojnë te liqeni.
“Ushtarët janë të armatosur me armë dhe disa mitralozë dhe nuk lejojnë as gazetarët të afrohen ndërsa brenda në Zubin Potok çdo gjë është e qetë”, shkruan “Kurir”. Ndërsa gjatë natës thuhet se kanë fluturuar helikopterët e KFOR.
