Autoritetet e Kosta Rikës nisën një operacion anti-drogë në Oqeanin Paqësor, pas një informacioni të dhënë nga garda bregdetare amerikane që rezultoi me kapjen e 2 ton kokainë të ndarë në 2000 pako, nga 1 kg secila.
Droga u gjet në një gomone me 4 motorë, shpesh e përdorur nga trafikantët e drogës pasi është e vështirë për t’u kapur nga radarët, shkruan Reuters.
Policia bregdetare e Kosta Rikas tha se tre kolumbianë u arrestuan dhe janë në paraburgim tashmë. 6,7 ton drogë janë konfiskuar në 10 ditët e fundit në Kosta Rika.
Me vendndodhjen strategjike, e rrethuar nga Oqeani Paqësor dhe deti i Karaibeve, Kolumbia vazhdon të jetë një nga prodhuesit më të mëdhenj të kokainës në mbarë botën, duke sjellë 910 ton çdo vit, pavarësisht përpjekjeve të qeverisë për ta luftuar.
