Të gjitha viktimat e vrasjeve pa gjyq do të marrin një kalim të lirë në qiell, njoftoi presidenti filipinas, Rodrigo Duterte, pasi u këshillua me “Perëndinë” për çështjen.
Duke folur në hapjen e një qendre për rehabilitimin e të varurve ndaj drogës të premten, udhëheqësi i çuditshëm i Filipineve zbuloi se i kishte “kërkuar Perëndisë” që të shkonin në qiell “të gjitha viktimat e vrasjeve jashtëgjyqësore” dhe Perëndia pranoi.
Duterte tha se kur ai i kërkoi këtë favor, Perëndia u përgjigj: “Unë mundem, unë mundem”.
Duterte nisi një luftë brutale ndaj drogës pasi mori detyrën dy vjet më parë. Më shumë se 12,000 persona besohet të jenë vrarë nga policia qysh atëherë, sipas Human Rights Watch.
