Mbi territorin e Shqipërisë moti paraqitet me kthjellime dhe vranësira kalimtare deri në mesditë kur vranësirat fuqizohen në territor duke gjeneruar rrebeshe të përkohshme shiu në zonat malore dhe pjesërisht në zonat e ulëta.
Ndërsa shtrirja bregdetare mbetet me kthjellime e vranësira të herë pas hershme, më të theksuara kthjellimet në bregdetin Jugor. Gjatë natës vranësirat shtohen në të gjithë vendin duke sjellë shira të dobët në zonat Lindore.
Sipas MeteoAlb, temperaturat e ajrit rriten lehtë gjatë mëngjesit dhe mesditës duke luhatur ekstremet termike nga 16 në 38°C. Era do fryjë e lehtë dhe mesatare, me shpejtësi 30 km/h nga drejtimi Verior-Veriperëndimor ndërsa në det vijon dallgëzimi 1-2 ballë.
