IGUMENICE- Rreth 18 kilogramë marijuanë janë kapur nga policia greke në kufirin me Shqipërinë. Lënda narkotike u sekuestrua në Sajadhe, në Igumenicë pas informacioneve të dhëna nga policia shqiptare, për një automjet që vinte nga kufiri i gjelbër.
Brenda në mjet u gjetën të fshuehura dhe u sekuestruan 26 pako me 17 kg 474 gramë marijuanë.
Sakaq, në pranga u vu drejtuesi i mjetit, një 19-vjeçar shqiptar, ndërsa në kërkim u shpall organizatori i trafikut të drogës, një tjetër shqiptar 28-vjeçar. Gjatë kontrollit, drejtuesit të mjetit ku u gjet droga, iu sekuestruan edhe 600 euro.
