Trajneri i Interit, Luciano Spalletti, do të nënshkruajë një kontratë trevjeçare me klubin përpara startit të sezonit.
Ish-trajneri i Romës ka që prej verës së kaluar në krye të zikaltërve, pasi u largua nga verdhekuqtë në fund të sezonit të kaluar.
Ai ka udhëhequr Interin drejt vendit të katërt në kampionat, duke e rikthyer në Champions League pas një fitoreje dramatike me Lazion në ditën e fundit të sezonit.
“Corriere dello Sport” raporton se Spalletti pritet të firmosë një kontratë të rinovuar përpara se të fillojë sezoni i ri.
Sipas së përditshmes italiane, ai do të nënshkruajë deri në vitin 2021.
