Qarku Gjirokastër vazhdon të mbetet ende shumë problematik për kultivimin e kanabisit. Ndërsa një ditë më parë u raportua për zbulimin e një farishteje me rreth 1 mijë fidanë kanabis në Këlcyrë, sot njoftohet për fidanishte të tjera në fshatrat përreth Tepelenës. Në fshatin Turan, gjatë kontrollit të territorit u gjetën dhe u asgjësuan 53 fidanë bimë narkotike të llojit Cannabis Sativa, shkruan Boldnews.al.
Në vendin e quajtur “Blloku i Osmanajve”, u gjetën dhe u asgjësuan 291 fidanë bimë të dyshuara narkotike Cannabis Sativa. Për të dyja rastet, policia thotë se po punon për identifikimin dhe kapjen e autorëve.
Ndërkohë në datë 16 korrik, në fshatin Skore të Dropullit u zbuluan 6 parcela me mbi 2300 rrënjë kanabis. Për këtë rast policia arrestoi dy persona, ndërsa operacioni u mbajt i fshehtë. Një ditë më parë policia e Gjirokastrës vuri në pranga edhe një shtetas nga Venezuela, i akuzuar për kultivim dhe trafik droge.
Komisariati i Policisë Tepelenë
Më datë 31.07.2018, në fshatin Turan, gjatë kontrollit të territorit u gjetën dhe u asgjësuan 53 fidanë bimë narkotike të llojit Cannabis Sativa. Punohet për identifikimin dhe kapjen e autorëve. Neni 284 i Kodit Penal.
Më datë 31.07.2018, në vendin e quajtur “Blloku i Osmanajve”, gjatë kontrollit të territorit u gjetën dhe u asgjësuan 291 fidanë bimë të dyshuara narkotike Cannabis Sativa. Punohet për identifikimin dhe kapjen e autorëve. Neni 284 i Kodit Penal.
