Presidenti Ilir Meta po viziton këto ditë në alpet shqiptare. Pas ndalesës dje në Tamarë dhe Vermosh, Presidenti ka ndaluar në zonën shqiptare të Plavës dhe Gucisë, në Mal të Zi.
Paraditen e sotme ai ka qenë në fshatin Vuthaj, në kullën 200-vjeçare të Çelajve, një nga trashëgimitë historike më të rëndësishme të zonës.
POSTIMI I METES:
“Kënaqësi e veçantë të vizitoja sot kullën mbi 200-vjeçare të Çelajve në Vuthaj, që bart histori të lavdishme dhe ruan traditat më të çmuara kombëtare e njerëzore të kësaj treve. Mirënjohje të pakufishme për Ramokun, Bjeshkën, Arbëreshën, Antigonën, Asdrenin, Arditin e të gjithë Çelajt që përkujdesen me aq përkushtim e dashuri për këtë trashëgimi shqiptare”.
