Marina mbretërore e Britanisë shpëtoi autorin e sulmit me bombë në Manchester nga lufta civile që shpërtheu në Libi në vitin 2014, raporton së fundmi Daily Mail.
Por 3 vite më vonë, duket se Salman Abedi nuk ia shpërbleu si duhet vendit duke hedhur veten në erë gjatë një koncerti të këngëtares së njohur Ariana Grande në Manchester Arena, duke shkaktuar 22 të vdekur, mes tyre 7 fëmijë.
Emri i Abedit ishte në një listë të qytetarëve që iu dorëzuan ekuipazhit përgjegjës për evakuimin. Anija i mori ato në Maltë, për tu dërguar më pas në Britaninë e Madhe. Një zëdhënës i qeverisë tha se gjatë përkeqësimit të situatës në Libi, në 2014, zyrtarët e Forcës kufitare ndihmuan në evakuimin e shtetasve britanikë dhe vartësve të tyre.
Një burim i qeverisë tha për Daily Mail: Ishte një veprim mizor, tradhëti abosulite nga një njeri që e shpëtuam nga lufta në Libi. Përgjegjësinë për shpërthimin e mori Shteti Islamik
