Rreth 700 persona kanë mbetur të bllokuar pranë një mali vullkanik në ishullin turistik, Lombok në Indonezi pas tërmetit të së dielën me magnitudë 6.4. të shkallër rihter.
Qindra punonjës të skuadrave të shpëtimit po përpiqen t’i evakuojnë ata nga mali Rinjani, një destinacion mjaft i pëlqyer për alpinizmi. Tërmeti i magnitudës 6.4, u regjistrua të dielën, me epiqendër jo larg bazës së malit.
Mijëra shtëpi janë dëmtuar dhe qindra të tjerë kanë mbetur pa shtëpi ndërsa dridhje të tjera toke pasuan duke shkaktuar panik në Lombok .Alpinistë nga Franca, Tajlanda, Holanda dhe Malajzia janë mes atyre që presin të evakuohen nga mali Rinjani shkruan CNN.
Sipas zëdhënësit të Agjencisë Kombëtare të Menaxhimi të katastrofave të paktën 689 persona kanë mbetur të bllokuar në lartësinë e 3,726 metra mbi nivelin e detit pas tërmetit të fuqishëm.
