Këngëtarja e njohur, Elvana Gjata, duket se po e shijon këtë verë në maksimum.
Ajo ditëve të fundit vazhdimisht ka postuar fotografi nga pushimet e saj, larg Shqipërisë, duke treguar se po viziton disa vende shumë të bukura dhe të veçanta.
Përjashtim nuk bëjnë as postimet e saj të fundit në “story” të Instagramit.
Elvana Gjata duket se po e ndjek nga afër garën “Formula 1”. Madje jo vetëm kaq. Këngëtarja shqiptare shumë e dashur për publikun duket se ka marrë ftesë nga hiç më pak se kampioni i kësaj gare, Lewis Hamilton.
Në postimet e saj, ajo ka falënderuar dy miqtë e saj, kampionin Hamilton dhe producentin e saj Poo Bear.
Fotografitë dhe videot e Elvanës tregojnë se kjo për të ishte vërtetë një përvojë e veçantë.
Pas publikimit të albumit të saj dhe dy projekteve shumë të suksesshme këtë verë, deri tani Elvana nuk është ndalur duke shëtitur e pushuar sa në Francë, Kroaci, Itali e së fundmi edhe në vendin ku po mbahej gara, Hungari.
