Një hit i ri ka hyrë në listën e këngëve të verës. Justin Bieber, DJ Khaled, Quavo dhe Chance the Rapper publikuan të premten projektin muzikor “No brainer” që ka arritur sukses të madh që në ditët e para.
Ata janë ribashkuar për të patur suksesin e vitit të kaluar me “I’m the One” dhe duket se po ia dalin shumë mirë. Ka vetëm dy ditë që ka dalë në treg kënga dhe ka arritur mbi 13 milionë klikime, si dhe është ‘Trending’ në të gjithë botën.
Teksti është perfekt për ditët dembele të shkaktuara nga temperaturat e larta në verë. Në klipin muzikor ka marrë pjesë dhe djali i vogël i DJ Khaled që i jep gjallëri këngës.
