Ajo është një nga modelet më të njohura shqiptare, e cila me postimet e saj arrin që të tërheq gjithmonë vëmendjen e publikut dhe komentohet gjatë nga mediat. Bëhet fjalë për supermodelen Emina Cunmulaj e cila siç dihet jeton në Amerikë së bashku me bashkëshortin e saj.
Emina është nënë e dy vajzave dhe së fundmi e bija është prekur nga një virus dhe është sëmurur keq. Emina e ka shpërndarë këtë rast me ndjekësit e saj dhe ka shpërthyer kundër të gjithë prindërve të papërgjegjshëm, të cilët nxjerrin fëmijët e tyre kur janë të sëmurë.
“Vogëlushja ime e gjorë. Ne kaluam gjithë natën zgjuar me ethe e temperaturë dhe simptomat e saj filluan nga duart, këmbët dhe goja. Supozohej të ishim duke udhëtuar për në Bahamas tani, por sigurisht që nuk do të shkojmë. Është hera e dytë që e merr këtë sëmundje nga fëmijët e tjerë. Nuk i kuptoj nënat që nxjerrin fëmijët e tyre në vende publike me një virus ngjitës. Sipas meje janë egoistë”, ka shkruar Emina përmbi foton ku shfaqet vajza e saj.
