Gjenden 36 kg 585 gramë marijuanë në Kanalin e Korfuzit, nga policia greke. Droga u gjet tek pluskonte pranë plazhit “Fiki” në pjesën veriore të ishullit Othonos. Sipas policisë greke, droga ishte futur në një pako të madhe që permbante 4 pako më të vogla.
Nisur nga kjo pako e gjetur, policia greke dyshon që të ketë sasi të tjera në det, dhe për këtë vijon kërkimet.
Fillimisht, gomonia është pikasur nga anija “Discovery” me flamur malazez. Anija ka njoftuar policinë greke, e cila rreth 5 milje larg vendit të quajtur “Athaniou” në Lefkadha, ka gjetur gomonen e braktisur, pa motorr, dhe pa pjestarë në bord.
Brenda saj janë gjetur dhe sekuestruar 54 pako me 375 kg 295 gramë marijuanë. Prej asaj dite, policia greke vijon hetimet për rastin, ndërkohë që informacioni është dhënë sot për mediat.
Prej fillimit të vitit e deri sot, në Igumenice, Korfuz, Lefkadha, Janinë, Athinë, Selanik, Artë, Kostur, Grevena, dhe Follorinë, policia greke ka sekuestruar rreth 6.5 ton marijuane që vinte nga Shqipëria.
