“Legjenda vazhdon”… është fraza që i përshtatet një artisti të madh si Mick Jagger. Ylli botëror i muzikës Rock e Bluz mbushi 75-vjeç, por ai nuk ka ndërmend të ndalet.
Në profilin e tij në Instagram me 1.5 milionë ndjekës, Jagger tregon se e ka festuar ditëlindjen mes natyrës. Në foto ka pozuar me kapelen e tij të re, pa e ndryshuar stilin e përhershëm të modelit Cowboy.
Pavarësisht moshës dhe baba i 8 fëmijëve, Jagger ruan një shpirt rinor që e ka pasqyruar gjatë gjithë kohës edhe në muzikën e tij. Vitin e kaluar, mediat zbuluan të dashurën e tij të re, modelen 52 vite më të re Nur Alfallah me të cilën shoqërohej në Paris.
Karrierën e ka nisur që në moshën 18-vjeçare, kur la pas studimet për ekonomi dhe krijoi grupin Rolling Stones. Ai dhe grupi numërojnë plot 250 milionë kopje të shitura, ndër të cilat dhjetëra hite, si Anybody Seen My Baby, Satisfaction e Old Habits Die Hard.
