Këngëtari i famshëm Michael Buble dhe aktorja Luisana Lopilato janë bërë prindër për herë të tretë. Çifti i njohur kanë së bashku dy djem dhe tashmë janë bërë edhe me një vogëlushe.
Lajmin e ardhjes në jetë të vajzës e ka bërë të ditur aktorja, ditën e sotme, me anë të një postimi në Instagram. “Si ta shpjegoj atë që po na shpërthen zemra nga lumturia? Që nuk na mjaftojnë orët e ditës për ta përkëdhelur. Falenderoj Zotin që na bëri këtë dhuratë të mbushur me jetë dhe lumturi!
Sepse të shohësh sytë e saj është njësoj sikur të shohësh vet qiellin! Të duam në pafundësi, të prisnim… na dhe dritë, shpresë dhe në fund je dhe do të jesh jeta e shpirtit tonë,” –ka shkruar Luisana në një foto, ku duket vetëm dora e vogëlushes.
Çifti i famshëm kanë kaluar një periudhë tepër të vështirë vitin e kaluar, pasi djali i tyre Noah u përball me një luftë të gjatë dhe të vështirë me sëmundjen e kancerit në mushkëri. Por fatmirësisht ai ia hodhi dhe është në gjendje të miorë shëndetësore.
