TIRANE- Gjyqtari i Gjykatës së Lartë, Ardian Dvorani është rikonfirmuar në detyrë nga Komisioni i Pavarur i Kualifikimit duke kaluar me sukses vettingun.
Vendimi nga KPK është marrë këtë të mërkurë.
Sipas KPK, pasuria e Dvoranit justifikohej me burime të ligjshme, edhe pse kishte disa pasaktësi të konstatuara në deklarim. Këto pasaktësi u korrigjuan me paraqitjen e provave të vlerësuara si të mjaftueshme nga komisioni.
Gjyqtari ishte edhe vetë i pranishëm në seancën e dhënies së vendimit. Emri i tij ka sjellë edhe debate politike. Kujtojmë se opozita ka akuzuar pas seancës dëgjmore se Dvorani do të konfirmohej dhe se gjithçka ishte e paravendosur me urdhër të Edi Ramës.
Më herët KPK rikonfirmoi gjyqtarin e Tiranës Astrit Faqolli, ndërsa shkarkoi prokuroren Rovena Gashi.
