Aktori dhe regjisori italian me famë botërore, Roberto Benigni është shtruar në spital, raportojnë mediat italiane.
Mësohet se Benigni, 65 vjeç, ndodhej me pushime me miqtë e tij në Sardenjë kur është dëmtuar në shpinë pas një përplasje të gomones.
Ylli i kinematografisë italiane, fitues i çmimit Oskar për filmin dedikuar Holokaustit “Jeta është e bukur”.
”Shpina e tij mori një tronditje të dhunshme pasi gomonia u përplas dhe miqtë e tij vendosën të ktheheshin në breg për të kërkuar ndihmë mjekësore. Pasi arriti në portin sard të Palaut, Benigni u mor me helikopter në një spital në Sassari, ku mjekët po kryejnë disa kontrolle”, shkruajnë mediat.
