Midis personave që “panë Ferrin me sy” nga zjarri në Greqi ishin edhe një çift irlandez, të cilët e kishin Greqinë destinacionin e muajit të mjaltit.
Raportimet nga mediat e huaja tregojnë se Zoe Holohan ndodhet në spital, ndërsa bashkëshorti rezulton tek lista e personave të zhdukur.
Pas një historie të gjatë dashurie midis të dyve, Brian (bashkëshorti) i propozoi për martesë Zoe-s vetëm vitin e kaluar. Ata e kishin planifikuar muajin e mjaltit në fshatin Mati, vend i cili u prek më së shumti nga zjarri. Numri i viktimave është në rritje, deri më tani ka shkuar në 80 persona dhe mbi 200 persona të zhdukur.
