Numri i viktimave në Greqi pas zjarreve masive vijon të rritet, të shumtë janë edhe personat e humbur, trupat e të cilëve nuk janë gjetur ende. Numri i viktimave ka shkuar në 80 persona të vdekur pasi zjarri i fuqishëm pushtoi zonën në afërsi të Athinës.
Dushohet se mes të humburve të jenë edhe dy shqiptare. Megjithatë kjo mbetet për t’u konfirmuar nga autoritetet greke, të cilët i janë nënshtruar kërkimeve intensive. Dushohet se shqiptarët e zhdukur punonin në një tavernë.
Numri i të plagosrve është 187 persona. Ngjarja bëhet edhe më tragjike, pasi 24 prej viktimave janë fëmijë. Ndërkohë dyshohet për qindra persona të zhdukur. Përgjatë ditës së djeshme edhe gjatë natës, në tri zona të ndryshme të Athinës ‘shpërthyen’ 15 vatra zjarri, ku situata më dramatike ishte në fshatin bregdetar Mati.
Qindra turistë janë evakuuar nga plazhet përgjatë operacioneve të shpëtimit. Aktualisht në terren ndodhen forca të nderhyrjes se shpejtë, të cilët po vijojnë kërkimet në çdo shtëpi të djegur.
