Me Demin janë solidarizuar edhe shumë prej emrave të njohur të elitës botërore, ndër to edhe dy artistet shqiptare Dua Lipa dhe Bebe Rexha.
Kjo e fundit ishte ndër të parat, e cila me të kuptuar gjendjen e këngëtares Lovato, i dedikoi asaj një status në Twitter, duke treguar se po lutet për shërimin sa më të shpejtë të saj.
“Unë jam duke u lutur për ju me gjithçka timen Demi Lovato. Ti je kaq shumë e dashur”, ka shkruar këngëtarja Rexha në Twitter.
Ndërkohë, vetëm pak orë më vonë, një dedikim i ka kushtuar edhe këngëtarja Dua Lipa, e cila gjithashtu është ndjerë e prekur nga gjendja e keqe e këngëtares Demi Lovato.
“E dashur Demi Lovato, ti je një forcë që duhet llogaritur dhe je më e fortë se sa mendon. Ne jemi të gjithë këtu për ty”, ka shkruar Dia Lipa në Twitter.
Demi Lovato është një prej këngëtareve më të dashura në të gjithë botën. Ajo pëlqehet edhe nga moshat e reja, që kur këndoi këngën “Let it go”, e cila është kolona zanore e filmit të animuar “Frozen”.
Fansat e saj presin lajme të mira në vazhdim lidhur me përmirësimin e gjendjes së saj.