Sulmet vetëvrasëse në jug të Sirisë kanë vrarë të paktën 38 persona.
Sipas mediave shtetërore, sulmet ndodhën në qytetin e Sweidës. Besohet se Shteti Islamik është përgjegjës për vrasjen e dhjetëra personave.
Qeveria siriane ka rimarrë kontrollin e pjesës më të madhe të jugut të Sirisë në muajt e fundit.
Agjencia shtetërore e lajmeve Sana raportoi për sulmin vetëvrasës në Sweida dhe tha se forcat e sigurisë ndoqën dhe vranë dy sulmues të tjerë përpara se ata të hidhnin veten në erë.
Militantët gjithashtu sulmuan tre fshatra në veri-lindje të qytetit.
