Gjykata e Krimeve të Rënda, ka pranuar kërkesën e ish-gjyqtarit të arrestuar për korrupsion, Shkëlqim Miri.
Procesi në ngarkim të Mirit ka nisur pak javë më parë, ndërsa Mirit i është refuzuar për 5 herë kërkesa për t’u liruar nga masa e sigurisë arrest me burg. Së bashku me ish-gjyqtarin i pandehur është dhe kushëriri i tij, Kujtim Miri, i cili nga hetimet e Prokurorisë rezulton se ka pasur rolin e sekserit në korrupsionin me 30 mijë euro.
Nëntorin e 2017-ës ish-gjyqtari Miri u prangos, pasi dyshohej se duke lënë në fuqi një lirim për një shtetas të rrezikshëm mori 30 mijë euro.
Vetë Miri i mohoi akuzat, por në banesë policia i gjeti dhe 34 milionë lekë, të cilat u sekuestruan dhe u bënë pjesë e hetimit për mosjustifikim pasurie e deklarim të rremë.
