Kuvendi miratoi me votat e mazhorancës projektligjin “Për profesionin e avokatit në Republikën e Shqipërisë”, i cili i ndalon gjyqtarët dhe prokurorët që nuk kalojnë vettingun të ushtrojnë edhe profesionin e avokatit.
Balla: Miratuam amendamentin që garanton se gjyqtarët dhe prokurorët që largohen për shkak të vetingutpër një kohë të caktuar nuk mund të kryejnë funksionin e avokatit, duke dhënë edhe garancinë që të marrim në kohë dhe një vlerësim të Komisionit të Venecias. I dhamë udhë miratimit të ligjit sot me qëllim që edhe ky ligj që është pjesë e paketës së madhe të ligjeve të reformës në drejtësi të ecë përpara.
Duke komentuar ftesën e LSI-së për një tryezë tre palëshe për ligjin e magjistraturës, Taulant Balla tha se ka qenë në kontakt gjatë gjithë ditës me opozitën por askush nuk i ka folur për 7 kushte.
Dialogun tha ai, e kushtëzuan me anulimin e ligjit për Teatrin Kombëtar.
Votimi i ligjit per avokatine u paralajmërua më herët nga kryetari i Komisionit të Ligjeve.
Pyetje: Sot në parlament ligjin për avokatinë, si do të votoni, që të lejohen apo të mos lejohen të s’kualifikuarit në avokati. Keni votuar ndryshe në Komision.Është qëndrimi i juaj i tretë zyrtar për këtë çështje.
Manja: Unë jam propozues i amendamentit. Këtu është epërsia e kësaj mazhorance, reflektimi. Ne dëgjojmë zërin e qytetarëve.
Pyetje: Është kërkuar nga Ambasada amerikane?
Manja: Ne dëgjojmë zërin e qytetarëve.
Pyetje: Të qytetarëve apo amerikanëve?
Manja: Të qytetarëve, ky është ndryshimi jonë me opozitën.
