Ka pritur ditën e ditëlindjes së saj të 38-të për të dhënë lajmin e publikimit të librit të saj të parë “Lessons” (Mësime).
Libri pritet të dalë në shitje në 2 tetorin që vjen.
Gisele Bündchen, nënë e dy fëmijëve, bashkëshorte prej nëntë vitesh e Tom Brady, aktiviste mjedisi dhe modele (pavarësisht se i tha ‘lamtumirë’ pasarelave të modës në 2016n), ka vendosur të tregojë, në mënyrë që të ndajë me të tjerët, “si kam kaluar sfidat e forta në jetën time.
“Këtë e bëj me shpresën se mund të ndihmoj të tjerët që të mund të përjetojnë eksperienca të tilla.”
Të ardhurat nga libri, ka bërë me dije Gisele, do shkojnë për projektin Água Limpa, për të ndihmuar në mbrojtjen e burimeve hidrike për brezat e ardhshëm.
