Duket se është presidenti Aurelio De Laurentis njeriu i momentit te Napoli. Pas deklaratës se Kristiano Ronaldo u refuzua nga ai dhe se Benzema me Di Marian janë shumë të vjetër për të luajtur me Napolin, vjen një tjetër “bombë”. Tifozët e Napolit kërkojnë rikthimin e Edinson Kavanit, por ai thotë se nuk do të vijë sërish te Napoli.
Madje, përdor nofkën e sulmuesit uruguaian (El Matador, vrasësi). “Kavani nuk do të vijë te Napoli, sepse ‘vrasësi’ i kësaj skuadre jam unë. Kemi sulmues shumë të fortë dhe këtë sezon pres që Milik të shpërthejë. Nëse nuk ka dëmtime, ai është një sulmues i jashtëzakonshëm”, tha fillimisht De Laruentis. Më vonë foli edhe për Vidalin. “Lojtar shumë i mirë, por ka kohë që nuk është në planet e Napolit. Më parë e kam ndjekur”, thotë presidenti.
