Hamasi njoftoi arritjen e një marrëveshje për të rivendosur qetësinë në Rripin e Gazi, duke i dhënë fund sulmeve izraelite ndaj pozicioneve të Hamasit dhe dhunës që pasoi më pas që u shkaktoi vdekjen katër palestinezëve dhe një ushtari izraelit të premten.
Zëdhënësi i Hamasit, Fawzi Barhoum, njoftoi mëngjesin e së shtunës se marrëveshja e ndërmjetësuar nga zyrtarët egjiptianë dhe të OKB-së, kishte hyrë në fuqi që prej mesnatës së të premten.
“Ne arritëm një marrëveshje për t’u kthyer në gjendjen e mëparshme të qetësisë midis okupimit izraelit dhe fraksioneve palestineze”, tha Barhoum.
Izraeli ende nuk e ka konfirmuar marrëveshjen, por ushtria tha në një deklaratë të shtunën se komunitetet pranë Gazës mund ti ktheheshin normalitetit, sipas të përditshmes izraelite Haaretz.
“Në fund të një vlerësimi nga komanda jugore këtë mëngjes u vendos që të mbajë një patrullë civile në komunitetet afër Rripit të Gazës”.
Marrëveshja vjen pasi forcat izraelite vranë katër palestinezë në Rripin e Gazës të premten.
Ushtarët izraelitë qëlluan plumba dhe gaz lotsjellës ndaj protestuesve palestinezë të mbledhur përgjatë rrethimit me Izraelin, duke vrarë 27-vjeçarin Mohammad Sharif Badëan dhe plagosur 120 të tjerë, sipas zyrtarëve të shëndetësisë në Gaza.
Hamasi tha gjithashtu se tre nga anëtarët e saj u vranë më herët gjatë ditës pasi Izraeli nisi sulme në pjesën jugore të enklavës.
Forcat izraelite thanë se sulmet nisën pasi një nga ushtarët e saj u godit me armë nga palestinezët. Ata më vonë njoftuan se ushtari kishte ndërrua
