Supersulmuesi i Paris Saint-Germain, Neymar beson se Cristiano Ronaldo do të ndryshojë futbollin italian. Braziliani nuk kurseu elozhet për Ronaldon i cili sipas tij është një legjendë në futboll.
“Unë mendoj se Cristiano Ronaldo do të ndryshojë futbollin italian”, tha braziliani për Fox Sports.
“Do të jetë përsëri futbolli italian që do të pësojë rritje njësoj si dikur kur isha fëmijë sepse Cristiano Ronaldo është një lojtar i madh. Ai është një legjendë në futboll”.
“Jam i lumtur për vendimin e tij. Mendoj se ishte një vendim i vështirë për të, kështu që unë i uroj atij vetëm fat të mbarë, por jo kur juventusi të përballet me PSG-në”, përfundoi ai.
5 herë fituesi i “Topit të Artë” i është bashkuar “Bianconerëve” për një marrëveshje me vlerë 113 milionë euro.
