Kukësi dhe Shkëndija do të tentojnë të shkruajnë historinë në raundin e dytë të Ligës së Kampionëve. Verilindorët e Armando Cungut do të kenë përballë Karabakun e Ansi Agollit. Një rival tepër i fortë në letër po jo i pamundur.
Ndërsa nga ana tjetër, tetovarët do të kërkojnë triumfin përballë moldavëve të Sherif Tiraspol. Edhe në rast se skuadrat shqiptare nuk arrijnë të kalojnë më tej në Ligën e Kampionëve, formati i ri, i lejon të luajnë në turin pasardhës të Ligës së Europës.
Kukësi është i pozicionuar në grupin e dytë dhe në rast eliminimi do të luajë në turin e tretë me fituesin e njërit prej çifteve që luajnë javën e ardhshme në Europë. Ndërsa Shkëndija do të jetë e pozicionuar në gurpin e parë.
Kundërshtarët e mundshëm të Kukësit në raundin e tretë të Ligës së Europës, në rast eliminimi nga Champions:
- Kork Siti 2. Nju Seints – Linkoln Red 3. Torpedo Kutaisi – Vikingur 4. APOEL – Flora Talin
Kundërshtarët e mundshëm të Shkëndijës në raundin e tretë të Ligës së Europës, në rast eliminimi nga Champions:
- Zrinjski-Valeta 2. Santa Koloma – Valur Rekjavik 3. Sutjeska-Alashkert 4. Dudelange-Drita 5 Olimpija Lubjana – Krusaders.
