“Herë tjetër ki parasysh t’i drejtohesh hajdut dhe kryehajdut këtyre”. Me këtë këshillë i është drejtuar sot ish-kryeministri Sali Berisha, kreu të KLSH-së, Bujar Leskaj, teksa prezantonte raporton vjetor të institucionit që drejton.
“Ke deklaruar me dokumente të firmosura dhe vulosura nga kjo shumicë se këta cdo epitet mund tu vesh këtyre me në krye kryehajdutin, o të poshtëruar hajdutë që keni vjedhur 1,2 miliardë euro, e kuptoj, por një gjë është, po shkove te Mithat Frashëri shkon te e vërteta dhe ajo do të detyronte ty tu drejtohesh vetëm në këtë mënyrë atyre që u kanë grabitur shqiptarëve 1.2 miliardë euro në tendera, koncesione dhe nuk është e dhënë e imja, por institucionit qëndror të llogarive të shtetit, kanë sjellë ligj për Olsin dhe Geronin, që lojërat e fatit të ulet tre herë tatimi për to se ata duhet të 3-4 fishojnë”- tha ai.
Nga vendi ka ndërhyrë ministri Pandeli Majko, por Berisha nuk ia ka kursyer as atij një batutë.
“Më mirë mos fol Pandeli se ty edhe të përzëne dhe të kthejnë pastaj”.
E teksa nisi të vazhdonte sërish fjalën drejtuar Leskajt, ka ndërhyrë nënkryetarja e Kuvendit, Vasilika Hysi, duke i kujtuar se duhet te beje pyetje pasi nuk eshte koha e diskutimit.
Në përgjigje të fjalës së Berisha ka reaguar kreu i KLSH: “Po ta kisha kaluar në politike do të kisha fituar disa kreditë, por do të kisha rrezikuar institucionin. Parësore janë interesat e ekonomisë kombëtare të ruajmë pronën shtetërore mes auditimeve që bëjmë, por jo të kalojmë në politikë”.