Për herë të parë pas njëzet vjetësh, agjenti sekret 007, James Bond, do të përballet me një armik rus, në filmin e ri që del më 2019. Është sërish një rast ku arti imiton jetën, teksa 007 do të përballet me armiq nga Moska në një kohë kur Rusia po akuzohet përsëri për krime kundër Perëndimit.
Për herë të fundit që Bond kishte një rival rus ishte më 1999, në filmin “Bota nuk mjafton” (The World Is Not Enough) kur Pierce Brosnan në rolin e agjentit britanik u ndesh me ish-agjentin e KGB-së të shndërruar në terrorist, Viktor ‘Renard’ Zokas, i luajtur nga Robert Carlyle.
Filmat e mëparshëm kanë pasur me bollëk armiq rusë, sidomos nga KGB, pasi shumica e tyre janë prodhuar në kohën e Luftës së Ftohtë.
Bondi i luajtur nga Sir Roger Moore luftoi me Gjeneralin Orlov në Octopussy, ndërsa armikja e Sean Connery, Rosa Klebb, kujtohet për këpucën e saj me një thikë të helmatisur në From Russia With Love.
Spiuni i famshëm britanik ka ndodhur edhe të dashurohet me armiken ruse, kur Bondi i luajtur nga Moore u lidh me agjenten e KGB, Triple X, luajtur nga Barbara Bach, në The Spy Who Love Me.
Për filmin e radhës, producentët kërkojnë një mashkull 30 deri në 60 vjeç “nga Rusia ose Ballkani”, i cili është “karizmatic, i fuqishëm, inovativ, i ftohtë dhe hakmarrës”.
Në film mund të ketë edhe një tjetër dashuri ruse. Filmi i 25-të i kolanës me Agjentin 007 do të dalë në tetorin e vitit tjetër, Daniel Craig në rolin e Bondit dhe Dua Lipa për kolonën zanore.
