Policia e Dibres ka arrestuar nje 52 vjecar, pasi e ka kapur me nje sasi kapsollash detonatore dhe lende plasese.
Sipas policise, ne pranga eshte vene shtetasi Njazi Pilafi, 52 vjeç, banues në Peshkopi.
Ne cilesine e proves jane sekuestruar lëndë plasëse, fitil zjarrpërcjellës dhe kapsolla detonatore.
“Gjatë kontrollit të ushtruar në magazinën e lokalit të tij në qytetin e Peshkopisë, i’u gjetën të fshehura dhe i’u sekuestruan në cilësinë e provës materiale7 copë kallëpe me lëndë plasëse (me nga 400 gram secila, gjithësej 2 kilogramë e 800 gramë), 58 copë kapsolla detonatore si dhe rreth 4 metër fitil zjarrpërcjellës” -ben me dije policia.
Materialet hetimore do ti referohen Prokurorisë Pranë Gjykatës së Shkallës së Parë Dibër për veprën penale “Mbajtje pa leje dhe prodhimi i armëve, armëve shpërthyese dhe i municionit”, parashikuar nga neni 278 i Kodit Penal.
