Zhorzhinjo është një lojtar i Çelsit. Klubi londinez sapo e ka njoftuar blerjen e mesfushorit italo-brazilian nga Napoli. Gjithë operacioni do të kushtojë 65 milionë euro.
Kontrata e nënshkruar prej tij është 5 vjeçare. Ish-mesfushori i Napolit do të mbajë në fanellë numrin 5. Ai pritet të bëhet pjesë kryesore e mesfushës së bluve, së bashku me francezin Kante. Zhorzhinjo ka qenë një kërkesë e Sarrit.
