Ndonëse kanë kaluar 7 vjet nga vdekja e këngëtares së njohur britanike, Amy Winehouse ditën e djeshme janë publikuar në internet disa foto të reja të saj.
Në fotot e pa publikuara më parë, Amy shfaqet në plazhin Santa Lucia në Karaibe. Fotot janë realizuar në vitin 2009.
Seti përmban 85 foto me ngjyra dhe bardhezi, ndonëse shumë pak prej tyre janë publikuar nga miku i saj më i ngushtë, Blake Wood shkruan Daily Mail.
Në shumë pak vite, Amy Winehouse arriti të ketë një karrierë të jashtëzakonshme muzikore. Suksesi i parë ishte publikimi i albumit të parë “Frank” në vitin 2003 dhe theu rekord shitjesh me albumin “Black to Black” në vitin 2006.
Gjatë karrierës së saj, Amy fitoi çmime të rëndësishme, përfshirë 5 çmime “Grammy Awards”, çmimin për albumin më të suksesshëm dhe në vitin 2008 çmimin e “Music Award” si këngëtarja më e mirë femër “Pop & Rock”. Këngëtarja britanike u gjet e vdekur në 23 korrik të 2011-ës në shtëpinë e saj në Londër.
