Për shqiptarët është heroi i Beogradit, për italianët është shqiptari më i kërkuar në nivel ndërkombëtar.
Bëhet fjalë për Ismail (Ballist) Morinën që vetëm 3 ditë më parë mori lirinë nga Gjykata e Apelit në Bari.
Pas këtij vendimi dhe kërkesave të vazhdueshme të Serbisë për ekstradimin e tij, mediat italiane e kanë cilësuar Ballist Morinën si ‘njeriun më të kërkuar në nivel ndërkombëtar’.
‘Jeton në Lombardi, – shkruajnë media italiane për Morinën – i cili arriti të marrë lirinë vetëm 3 ditë më parë pas kërkesave të shumta nga Beogradi’. Ismail (Ballist) Morina është shqiptari që ngriti dronin në 14 tetor 2014 në fundin e pjesës së parë të ndeshjes Serbi-Shqipëri.
Ngritja e dronit dhe më pas incidentet që ndodhën në fushë i dhanë Shqipërisë fitoren 3 me 0 në tavolinë kundër Serbisë. Kjo fitore e kualifikoi vendin tonë në Kampionatin Europian ‘Francë 2016’.
