Të gjithë e njohin nga filmi shqiptar ‘Nëndetësja 105’, por janë të paktë ata që e dinë se kush ka qenë komandanti i parë i saj. Dje miqtë dashamirësit kanë marrë lajmin e keq për ndarjen nga jeta të komandantit të parë të nëndetëses 105.
Dr. Aleko Pojani është ndarë nga jeta një ditë më parë. Ai kreu shkollën ushtarake ‘Skënderbej’ dhe më pas Akademinë e Marinës në Baku të ish Bashkimit Sovjetik në vitet 50. Pojani ishte njëri nga komandant e parë të nëndetëseve shqiptare, i cili me ‘105-sën’ kreu misione në detin Mesdhe.
Aleko Pojani ka qenë edhe komandant i Brigadës së Nëndetëseve në Bazën Ushtarako-Detare të Pashalimanit dhe pedagog në Akademinë e Marinës në Vlorë.
Ai botoi edhe librin autobiografik librit historik-‘Nëndetësja 105, kujtimet e një komandanti’ botuar në vitin 2013 dhe mbante gradën Doktor i Shkencave.
Me vdekjen e Aleko Pojanit Flota Ushtarako-Detare shqiptare humbi një nga komandantët më të zot, Pashalimani njërin nga nënujësit më brilant dhe marina shqiptare Delfinin syshqiponjë.
