Ivan Perisic, futbollisti më i mirë i Kroacisë në ndeshjen gjysmëfinale të Botërorit kundër Anglisë, rrezikon të mungojë në finalen e së dielës.
Raportohet se 29-vjeçari që luan me Interin pas ndeshjes me ‘Tre Luanët’ u dërgua në spital për ekzaminime më të hollësishme, pas një goditje në kofshë. Momentalisht situata nuk duket shumë premtuese por e gjithë Kroacia po lutet që këmba e tij të rikuperohet në kohë.
Perisic ishte edhe protagonist në gjysmëfinalen ndaj Anglisë, ku pasi shënoi një gol dhe dha një asist, u shpall njeriu i ndeshjes.
