Massimiliano Allegri ka folur për herë të parë pas zyrtarizimit të Ronaldos te skuadra e Juventusit.
Tashmë Allegri do të punojë me CR7 i cili sipas tij është një lojtar i jashtëzakonshëm që mund t’i dhurojë Championsin “Zinjës së Vjetër”, shkruan “Sportmediaset”.
“Mendoj se Cristiano Ronaldo është një blerje shumë e rëndësishme dhe një hap i jashtëzakonshëm për Juventusin dhe futbollin italian”, tha fillimisht Allegri për “Sky Sport”.
“Për mua, çdo vit një cikël i ri fillon, sepse Juventus në katër vitet e fundit ka ndryshuar shumë. Këtë vit Juventusi ka bërë një merkato të rëndësishme”, vijoi ai.
Synimi? “Sigurisht do jetë Scudetto dhe triumfi në Champions League. Ka qenë gjithmonë dhe tashmë me blerjen e Ronaldos na jep më shumë vetëbesim për të arritur këtë sukses. Mos harrojmë Superkupën dhe Kupën e Italisë janë të rëndësishme për ne. Janë 4 trofe për të cilën Juventusi luan gjithmonë”, përfundoi ai.
Kujtojmë që ditën e djeshme Juventusi zyrtarizoi transferimin e Ronaldos që kushtoi rreth 110 milionë euro.
