Bledar Devolli është trajneri i ri i Kamzës.
Lajmi është konfirmuar nga klubi i Kamzës në faqen zyrtare në “Facebook”, ku përmes një fotoje, presidenti Naim Qarri prezanton trajnerin e ri.
Për Devollin është një rikthim te Kamza, pasi dy sezone më parë pati meritën e madhe të rikthimit të skuadrës në Superiore.
“Bledar Devolli është trajneri i ri i skuadrës. Ndërkohë asistentet e tij do të jenë Jurgen Agolli dhe Eldi Topi. Bledar Vashku do të jetë në rolin e trajnerit të portierëve. Stërvitja nis sot në orën 18:00 në kompleksin e Kamzës”, thuhet në njoftimin zyrtar të klubit.
