Transferimi i mundshëm i Cristiano Ronaldos në Juventus vazhdon të jetë lajmi kryesor në futbollin italian, dhe ka shkuar deri në një pikë saqë Livorno ka nisur të tallet me bardh e zinjtë.
Cristiano Lucarelli, ish-lojtari i Livornos, u prezantua të premten si trajner i ri i klubit.
“Ekziston vetëm një Cristiano dhe atë e kemi ne!” shkroi Livorno në një status në Twitter të cilit ia bashkëngjiti një fotografi të Ronaldos dhe Lucarellit.
Lucarelli i ka shënuar 112 gola në 192 ndeshje për këtë klub dhe ishte golashënuesi më i mirë në Serie A në sezonin 2004/05.
