Zëvendëskryeministri dhe ministri i Punëve të Jashtme, Behgjet Pacolli, do të qëndrojë sot dhe nesër për një vizitë pune në Republikën e Italisë.
Siç njofton zyra e Pacollit, në kuadër të kësaj vizite kryediplomati kosovar do të takohet me presidentin italian, Sergio Mattarella, presidentin e Konfederatës së Përgjithshme të Industrisë italiane, Vincenzo Boccia si dhe personalitete të tjera italiane.
Qëllimi i vizitës së ministrit të Jashtëm në Itali është ngritja në një nivel më të lartë e marrëdhënieve dypalëshe, inkurajimi dhe thirrja e bizneseve italiane, që të rrisin investimet e tyre në Kosovë.
