Një aksident i rëndë raportohet të ketë ndodhur në aksin Qafë Bualli – Krastë.
Informacionet e para flasin për një furgon, i cili ka përfunduar 20 metra në humnerë.
Mësohet se në mjet ndodheshin pesë persona dhe dy nga të plagosurit ndodhen në gjendje të rëndë.
Ata janë transportuar në Spitalin e Traumës me helikopter dhe ambulancë për mjekim të specializuar, ndërsa tre të tjerët janë në spitalin e Bulqizës jashtë rrezikut për jetën.
Informacion paraprak nga policia:
Rreth orës 17.50, Policia e Bulqizës ka marrë njoftim se në aksin e rrugës dytësore Krastë-Bulqizë, një automjet ka dalë nga rruga.
Menjëherë është ngritur grupi hetimor ku nga verifikimet paraprake kanë konstatuar se ka dalë rreth 20 metra poshtë rrugës, automjeti tip ‘Mercedez Benz’, me drejtues Y.H, dhe për pasojë janë dëmtuar pasagjerët:
A.S, 45 vjeç, i cili është transportuar me helikopter drejt Tiranës,
D.M, 42 vjeçe, është transportuar me ambulancë drejt Tiranës,
Xh.K, 44 vjeçe, dhe V.K, 32 vjeçe, të cilat po marrin ndihmë në Spitalin e Bulqizës, jashtë rrezikut për jetën.
Po punohet për kapjen e drejtuesit të automjetit pasi është largur nga vendi i ngjarjes.
Grupi hetimor vijon hetimet në vendin e ngjarjes, po punohet për zbardhjen e shkaqeve të aksidentit.
