Ndërkoh që Kuvendi pritet të diskutojnë sot pr.ligjin për shembjen e godinës së Teatrit Kombëtar, artistët dhe shoqëria civile kanë nisur protestën para Parlamentit. Gjatë fjalës së tij, aktori Neritan Licaj tha se pr.ligji është në kundërshtim me Kushtetutën e vendit dhe se qeveria po luan rolin e sekserit duke i dhënë pronën publike një kompanie private.
“Pr.ligji është në shkelje të Kushtetutës. Ky pr.ligj bie në kundërshtim me kodin civil të Republikës së Shqipërisë, si ligji për pronat dhe politikën vendore. Është rasti i parë në demokraci që qeveria paraqet një pr.ligj personal. Rama preferon që fajësia të jetë koletive dhe jo personale e tij. Ky ligj nuk shoqërohet me faturë financiare dhe vendos shtetin shqiptar në rolin e sekserit me një kompani private. Kërkojmë kthimin mbrapsht të këtij pr.ligji dhe presidenti të vlerësojë këtë pr.ligj për gllabërimin e pronës publike”- tha Licaj.
