Deputeti i opozitës, Dashamir Shehi, ka ftuar deputetët e mazhorancës që të mos e votojnë ligjin për prishjen e Teatrit Kombëtar, pasi është pjesë e historisë dhe kulturës së Tiranës dhe gjithë vendit.
“Unë kam pas një tufë prona këtu në Tiranë e në Shqipëri e pas 3 vitesh u mërzita. Nuk i gjëmova më. U mërzita, ishin prona të miat, të babës e gjyshit tim, të ligjshme. Ka 20 vite që i është ngjit teatrit nga mrapa, me lloj lloj biznesmenësh. Për të marrë atë truallin.
Ky ka bë teatrin më të madh që është lujt noj herë këtu. Kjo qoshja këtu, është hapësira më e nderuar publike për t’u mbajt. Teatri është e vetmja hapësirë që përfaqëson historinë e qytetit, kulturën e tij. Ne duhet të mburremi me atë teatër pikërisht sepse është i vjetër. Ajo është vlera e tij më e madhe” – tha Shehi.
Ai i cilësoi si idote dhe të poshtra argumentet e dhëna prej kryeministrit dhe ministrave për prishjen e Teatrit Kombëtar për shkak se ishte i vjetër.
“Argument më idiot e më të poshtër nuk kam pa. Ta prishim se është i vjetër. Historia e Tiranës fillon ke Universiteti politeknik e mbaron ke Hotel Tirana. Ajo është Tirana. Pjesa tjetër është konvikt. Vijnë këtu ca turistë novegjezë e polakë, e çfarë shohin. Kulla të reja bëhen kudo. Në Afrikë më shumë dhe më të bukura se këtu. Në Dubai po ashtu. Kullat bëhen kudo, teatrin nuk e bëjnë dot ata.
Doni të bëni teatër të ri, bëjeni te Bulevardi i ri. Bëni atje, teatrin e ri, teatrin e operas të ri, zyrat, gjykatat, çfarë të doni. Unë ju ftoj të mos e votoni këtë se ëhstë turp. Do ju ngelet në histori kjo punë, se kjo nuk përfundon këtu” – shtoi Shehi.
