Ish-Kryeministri Sali Berisha ka ndarë një moment familjar me ndjekësit e tij të shumë në rrjetet sociale, një moment gëzimi. Ja ç’publikon ai sot:
“Të dashur miq, sot për të gjithë familjen tonë është një ditë e veçantë, gëzimi dhe feste! Ne sot festojmë ditëlindjen e Lilit, perëndeshës së dashurisë, mirësisë, fisnikërisë të familjes tonë, 70-vjetorin e lindjes së saj dhe 47-vjetorin e martesës sonë!
Sot, pas dekadash dashurie të pakufishme, mbështetje të jashtëzakonshme tejet të çmuar, kujdesi të pakursyer të dëshmuar ndaj meje, fëmijëve dhe fëmijëve të fëmijëve tanë, fjalët nuk arrijnë të shprehin ndjenjën e mirënjohjes sonë të pakufishme ndaj saj!
Por me gjuhën e zemrave tona i urojmë Lilit sot edhe shumë e shumë vite të tjera së bashku plot shëndet, gëzime dhe suksese të tjera në ndihmën e fëmijëve në Shqipëri. Gëzuar Lili!!” përfundon mesazhi, i pasuar nga fotoja e mësipërme.
