Pas dy ditësh debatesh mes opozitës, grupeve të interesit dhe mazhorancës, p[rojektligji për negocimin e kontratës për ndërtimin e Teatrit Kombëtar është miratuar dje nen për nen nga Komisioni përgjegjës i veprimtarisë prodhuese.
Drafti ashtu si pritej ka marrë vetëm votat e mazhorancës.
Por edhe në orët e pasditës të së martes Teatri ka shkaktuar debate në dëgjesat me grupet e interesit, saqë kryetari i komisionit të veprimtarisë ndërpreu dy herë mbledhjen.
Debati u ndez pas fjalës së aktorit Bruno Shllaku i cili u shpreh pro prishjes së godinës.
Deputetët e opozitës dhe artistët e tjerë në sallë iu drejtuan me tone të larta aktorit.
Të enjten, projektligji për Teatrin do të kalojë në Parlament dhe pritet të miratohet me shumicë të thjeshtë.
Më pas drafti do të kalojë për dekret tek Presidenti i Republikës, për të vijuar më pas mr ngritjen e komisionit të negociimit nën drejtimin e Bashkisë së Tiranës për nisjen e negociatave me palen private për ndërtimin e Teatrit të ri.
Në përbërje të Komisionit do të jenë përfaqësues të katër Ministrive, si dhe një të Avokaturës së Shtetit dhe 2 përfaqësues të trupës së aktorëve.
Bashkia Tiranë – kryesues
PËRFAQËSUES
Ministria e Drejtësisë
Ministria e Financave dhe Ekonomisë
Ministria e Infrastrukturës dhe Energjisë
Ministria e Kulturës
Avokatura e Shtetit
Trupa e aktorëve (jo më shumë se 2 përfaqësues)
