Gareth Southgate ka pohuar se Anglia nuk mund të “pengohet nga historia”, pasi fitorja nga penalltitë kundër Kolumbisë i dërgoi të tijtë në çerekfinalen e Kupës së Botës, të cilën do ta diskutojnë tashmë ndaj Suedisë.
Dhe Southgate, i cili thotë se ende është i përhumbur nga humbja e penalltive ndaj Gjermanisë në “Euro 1996”, beson se skuadra e tij e re angleze tani ka arritur një moment të duhur: “Nuk dua të kthehem prapa. Është një moment, që do të jetojë përgjithmonë me mua, fatkeqësisht, – tha Southgate për humbjen e penalltisë 22 vjet më parë. – Por, sot është një moment i veçantë për këtë skuadër dhe shpresojmë se do t’u japë besim gjeneratave të lojtarëve që na ndjekin, sepse mund të shohin që është e mundur.
Në jetë nuk mund të pengoheni nga historia. Lojtarët e rinj tregojnë se po e shijojnë turneun. Tani presim të përgatitemi për në çerekfinale. Do të kishim dashur një javë për ta shijuar këtë fitore dramatike nga penalltitë, por nuk e kemi këtë komoditet, sepse Suedia është një ekip, që e respektoj shumë. Kjo është një ndeshje jashtëzakonisht e vështirë për ne”.
