Një 29-vjeçar në kërkim prej më së tre vjetësh, është arrestuar nga policia pasi ndaj rëndonte një dënim me burg për veprën penale “marrëdhënie seksuale me persona të pazotë”.
Flamur Bramati nga fshati Toshkëz i Përmetit u vu në pranga nga Specialistët për Hetimin e Krimit në postën e policisë Këlcyrë. Pas disa vitesh në arrati, 29-vjeçari u arrestua pasditen e kësaj të marte pas informacioneve të siguruar në rrugë operative për vendndodhjen e tij. Dyshohet se gjatë kësaj kohe, ai ka qenë në emigrim në Greqi.
Arrestimi i tij u bë, pasi gjykata e Rrethit Gjyqësor Përmet me nr. vendimin 13/22-2015-131, datë 15. 04. 2015, e ka dënuar të riun me pesë vjet burgim për veprën penale “Marrëdhënie seksuale ose homoseksuale me persona të pazotë për t’u mbrojtur”, parashikuar nga neni 103/1 i Kodit Penal, shtuan të njëjtat burime.
Pasi u akuzua për abuzim me një vajzë nga fshati i tij, e cila ishte me aftësi të kufizuara fizike, Bramati humbi gjurmët.
