Këngëtarja nga Tropoja, Anila Mimani ka publikuar projektin e ri muzikor “Të dua pa fjalë” pas pothuajse një viti pushim.
Këtë këngë e ka sjellë në bashkëpunim me Imbro Manaj, një artist i cili ka zgjedhur të mos shfaqet në klip. Këtë projekt duket se e ka sjellë posacërisht për sezonin veror. Anila nuk e ka lënë pas stilin e saj, por ka shtuar pak ritme moderne ndërsa i këndon dashurisë.
Kishte disa kohë që mungonte në treg, por para 1 viti rrëfeu në një emision se nuk ka hequr kurrë dorë nga muzika, pasi vazhdon të këndojë në zonën ku jeton në Zvicër. 44-vjecarja është e njohur në Shqipëri për hitet ‘Eh ta dish sa shumë të dua’ dhe ‘Ma ka thënë horoskopi’, ndërsa pritet që kënga e re të jetë hiti i rradhës.
