Ish-kryetarja e Forumit Rinor të Partisë Socialiste, Joleza Koka, pasi u bë e famshme me ‘të fortat e saj’, që lëshonte sa herë që mbante fjalime apo bënte dalje publike, për një kohë të gjatë rezultoi e zhdukur nga skena.
Gjithsesi ky distancim nga politika, duket se nuk i ka dalë për keq, pasi bukuroshja që një mëngjes të bukur siç deklaroi vetë e gjeti veten “papritur” në shtëpinë e Saimir Tahirit, tani ka vendosur të shndërrohet në biznesmenë.
Vetë Jozela, ka njoftuar hapjen e një hoteli në qytetin e Sarandës, teksa poston dhe disa foto në rrjetin social ‘Facebook’, ku tregon se biznesi i saj ndodhet pranë stadiumit të qytetit bregdetar.
Pas kësaj nuk kanë munguar edhe urimet e miqve të saj, por edhe shumë komente, ku e pyesin, se ku i ka gjetur aq shumë para sa për tu bërë pronare hoteli në një prej qyteteve më të lakmuara dhe më të shtrenjta në vend.
Joleza Koka u bë e njohur pas një fjalimi të saj plot gafa, që bëri shumë bujë në media, pasi në sy të eksponentëve të lartë të PS-së, tregonte se si një natë më parë ishte me Blendi Klosin, por kur ishte zgjuar e kishte gjetur veten në shtëpinë e Saimir Tahirit!!
